Të paktën 18 trupa janë gjetur deri tani pas një përplasjeje pranë Aeroportit Kombëtar Ronald Reagan në Uashington, ku një avion Air Force One u përplas me një helikopter të Forcave Ajrore të Ushtrisë.
Si pasojë, avioni u rrëzua në lumin Potomac.
“Fluturimi 5342, i cili u nis nga Wichita, Kansas (ICT) për në Uashington, DC (DCA), u përfshi në një aksident,” tha American Airlines në një deklaratë për shtyp, duke sqaruar se avioni i operuar nga filiali i saj PSA kishte 60 pasagjerë dhe katër anëtarë të ekuipazhit në bord.
Sipas raportimeve, avioni ndodhet në një thellësi prej rreth 2.5 metrash dhe është ndarë në dy pjesë.
Ndërkohë, helikopteri ushtarak kishte në bord tre personel të ushtrisë.
Një zyrtar, bëri me dije se fati i tyre mbetet ende i paqartë, por konfirmoi se asnjë oficer i lartë nuk ndodhej në bord.
