Mbrëmjen e sotme ështl marrë vendimi nga Autoriteti Portal Durrës i cili ka njoftuar se të gjitha lundrimet e mbrëmjes së sotme, për linjat Durrës-Bari dhe anasjelltas do të anulohen. Shkak për këtë mund të jetë moti i keq i cili pritet të përkeqësohet në ditët në vijim, duke bërë që të gjitha lundrimet të anulohen. Ndërsa në njoftimin e bërë thuhet se lundrimi do të vazhdonte në ditën e nesërme por gjithmonë në varësi të kushteve të motit.
Sa i përket biletave të rezervuara, Autoriteti Portual Durrës lajmëroi se do të bëhej rimbursimi për të gjithë ata persona të cilët kanë pasur për të udhëtuar drejt Italisë mbrëmjen e sotme.
Njoftimi i Plotë nga Autoriteti Portual Durrës:
Njoftojmë të gjithë pasagjerët që kanë rezervuar lundrimin mbrëmjen e sotme nga Porti i Durrësit drejt Barit, se për shkak të motit nuk do të ketë lundrime mbrëmjen e sotme, as nga Durrësi drejt Barit, as anasjelltas.
🔁Lundrimet pritet të rifillojnë ditën e nesërme, dt.26.11.2021, në varësi të kushteve të motit. Kompanitë e lundrimit do të garantojnë njoftimin dhe rimbursimin e biletës sipas kërkesave të udhëtarëve.
👉🏻Autoriteti Portual Durrës ju fton të informoheni në faqen tonë: www.durresport.al , në rubrikën “PASAGJERËT”.
Ju falenderojmë për mirëkuptimin!
