26-vjeçari Julian Gjoshi autori i dyshuar i vrasjes së Alfred Dedjas, është vetëdorëzuar në polici.
Mësohet se Gjoshi ka shfaqur shenja çrregullimi gjatë dorëzimit, ndërsa arma e përdorur në krim u dorëzua në Policinë e Tiranës nga avokati i tij.
Skena e krimit filloi si një debat mes Dedjas, 50 vjeç, dhe Gjoshit.
Gjoshi ishte ulur në lokal përballë viktimës, kur Dedja u afrua për të biseduar, por sherri mes tyre agravoi, dhe i riu e qëlloi me armë, duke lënë Dedjan të vdekur.
Gjoshi mësohet se është kunati i Altin Hajrit ndërsa në vitin 2021 ishte arrestuar për armëmbajtje pa leje.
50-vjeçari më parë merrej me aktivitetin e lojërave të fatit dhe vite më parë ka punuar edhe te kompleksi i Altin Hajrit në Shijak.
Gjithashtu bëhet me dije se viktima ishte me precedentë penalë për vjedhje dhe trafikim i lëndëve narkotike.
