Qeveria ka ngritur një rrjet të posaçëm për shpërndarjen e internetit nëpër institucione.
Mirëpo Kontrolli i Lartë i Shtetit në auditimin e fundit ka zbuluar disa të dhëna shqetësuese.
Deri në masën 85.53% interneti përdoret për azhornimin e sistemeve operative “Microsoft”.
Ndërkohë pjesa tjetër, e cila duhet t’i shërbente administratës për t’u ardhur në ndihmë qytetarëve dhe për të zhvilluar aktivitetin e saj, përdoret për lojëra, rrjete sociale, filma, shkarkime dhe muzikë.
Këto të dhëna janë tregues i efektivitetit të ulët në administratën publike.
E dhëna tjetër shqetësuese e auditit të KLSH, është siguria në faqet online të institucioneve.
Më problematike janë Ministria e Drejtësisë, e Bujqësisë dhe ajo e Kulturës.
Në disa raste, mungojnë edhe certifikatat e sigurisë në rrjet, ndërsa sistemi i regjistrimit noterial shqiptar, funksionon pa një rregullore të brendshme.
