Një tjetër atentat që ka pasur si qëllim ekzekutimin e një personi ka ndodhur ditën e djeshme në Vlorë dhe për ketë arsye janë shoqëruar 8 persona.
Atentati është zbuluar se ka qenë ndaj Inez Harjrullës dhe ka ndodhur në zonën e Lungomares, mirëpo policia është ndarë në disa pista, por ende nuk ka mundur të identifikojë asnjë person.
Dyshimet e para të policisë janë se pjesëmarrës kanë qenë 3 persona të cilët janë larguar me makinën e gjetur në fshatin Babicë, e cila u gjet e djegur.
Të tre këta persona kanë pasur qëllim asgjesimin e Inez Hajrullës gjatë kohës që ky i fundit ndodhej në lokal, mirëpo kundërpërgjigjja me armë që bënë ka lënë të plagosur edhe një kalimtar.
Atentati mësohet të ketë ndodhur për shkak të përplasjes mes dy grupeve kriminale që veprojnë në këtë qytet, pasi nuk është hera e parë që organizohet një atentat kundër Hajrullës.
Mirëpo këtë herë zona e zgjedhur për të larë hesapet është shumë e populluar, ndërkohë që Ora Nevvs, ka siguruar edhe pamjet e largimit të atentatorëve me një makinë Land Rover.
