Berisha ka paralajmëruar protestën e radhës pas ngjarjes së rëndë në Shkodër .
Teksa i shprehu ngushëllimet familjeve, kreu i PD-së u bëri thirrje qytetarëve që të mblidhen të shtunën, në orën 12:00 në Shkodër në shenjë solidariteti.
DEKLARATA E BERISHËS
Mirëdita dhe përshëndetje mediave të pranishëm në këtë takim, dhe të gjithë atyre që ndjekin këtë konferencë të jashtëzakonshme timen me median.
Thirra sot këtë konferencë të jashtëzakonshme për shkak të masakrës që ndodhi dje në Shkodër.
Shpreh ngushëllimet e mia më të ndjera familjes Basha, për tragjedinë që u ndodhi dje, familjes Bushati dhe familjes Lici.
Masakra e djeshme është vazhdim i një serie aktesh terroriste, atentatesh të ndodhura muajt e fundit në Shkodër, të fshehura nga policia e Shkodrës, apo të injoruara totalisht në gjetjen dhe arrestimin e atentatorëve.
Masakra e djeshme e bandës qeveritare në Shkodër, pra vjen pas asaj të korrikut në të cilën u plagosën 3 të rinj, dy prej të cilëve u shtruan në spital, por u fsheh si ngjarje, tha Berisha.
