Atentati ndaj prokurorit të Durrësit, Kejvina Kthella merret 10 orë në pyetje në Prokurori

Google+ Pinterest LinkedIn Tumblr +

Një nga personat e thirrur nga Prokuria, për të dëshmuar në lidhje me atentatin ndaj prokurorit Arjan Ndoja, është edhe Kejvina Kthella.

Kjo e fundit u mor në pyetje për 10 orë nga hetuesit.

Vajza e njohur e shoë bizit, ishte një nga personat që kishte komunikuar më së shumti me Redjan Rrajën, të arrestuarin për atentatin e regjistruar një javë më parë në Durrës.

Ka dyshime se lidhje e tyre shkon përtej miqësisë.

Duke qenë se komunikimet e Kejvinës me Redjan Rrajën ishin të shpeshta, prokurorët kërkojnë të mësojnë më shumë rreth lëvizje të të pandehurit, përpara se të ndodhte atentati.

Për këtë arsye, hetuesit kanë sekuestruar telefonin e saj dhe pritet, që të zbërthehet nga ekspertët, për të marrë më shumë informacion rreth lëvizjeve të Rrajës.

Redjan Rraja është i arrestuari i vetëm i atentatit të regjistruar një javë më parë në Durrës.

Nga breshëria e plumbave mbetën të plagosur prokurori Arjan Ndoja, Landi Muharremi dhe shoferi Andi Maloku.

Ky i fundit ndërroi jetë ditën e djeshme, pasi plumbat e kishin kapur në mushkri dhe në shpinë.

Shpërndaje
Share.

Komento