Një atentat i rëndë ka shoqëruar mëngjesin e sotëm në mbikalimin e Panajasë, në Vlorë, ku kanë humbur jetën 2 persona dhe 1 ka mbetur i plagosur mësohet nga policia. Viktimat udhëtonin me një mjet tip “Ford”, ndërsa mësohet se janë ndjekur nga autorët teksa kanë qenë në lëvizje.
Ndërkohë që Policia dhe Forcat e Ndërhyrjes së Shpejtë kanë nisur kontrollet në qytetin e Vlorës. Theksojmë se Shpati Lena dhe Hakim Xhezo mbetën sot të vrarë nga atentati mafioz në rrugën Vlorë-Levan.8 persona janë shoqëruar pas atentatit që ndodhi mëngjesin e sotëm në Vlorë, ku mbetën të vrarë 2 Shpati Lena dhe Hakim Xhezo. Ndërkohë dyshohet se vrasësit janë me pagesë.
Po si ndodhi ngjarja?
Autorët mësohet se kanë qenë 3 persona që i kanë ndjekur viktimat për disa kilometra dhe sapo janë afruar pranë mbikalimit të Panajasë kanë hapur zjarr duke i lënë të vdekur në vend.
Sipas burimeve autorët i kanë ndjekur që nga Vlora, për t’i vrarë më pas në autostradën që të çon në Fier.
Kujtojmë se autorët kanë dalë paralel me makinën e viktimave dhe kanë qëlluar, më pas gjatë parakalimit ata kanë qëlluar edhe në xhamin e parë. Ashtu siç shihet në pamjet e siguruara nga ABC makina e viktimave është bërë shoshë nga plumbat e kallashnikovit.
