Hetimet për atentatin ndaj Mariglen Hakës në fshatin Zezë të Niklës, kanë marrë një tjetër rrjedhë.
“Dosja.al” shkruan, se autorët nuk donin ta vrisnin Mariglenin, por ta merrnin peng.
Grupi hetimor ka arritur gjithashtu në konkluzionin, se halla e tij, Shpresa Basha, e cila u vra gjatë atentatit, ka njohur njërin prej rrëmbyesve.
Ky mendohet të jetë edhe shkaku i breshërisë së plumbave.
Autorët zbrazën plot 85 plumba drejt Shpresa Bashës dhe Hakës, i cili mbeti i plagosur në krah.
Ndërsa halla e tij u qëllua tek të dyja këmbët dhe ndërroi jetë pak më vonë në spitalin e Traumës në kryeqytet.
Deri më tani në lidhje me këtë ngjarje nuk ka asnjë të arrestuar.
Ndërkohë prova e vetme në duart e policisë, janë dorezat që dyshohet se janë përdorur nga autorët e atentatit.
