Një ngjarje e rëndë ka ndodhur në Mikonos. Një atentat i është bërë një shqiptari. Identiteti i tij ende nuk është bërë me dije, por mësohet se është 34 vjeç dhe ndodhet në gjendje kritike për jetën.
34-vjeçari ka marrë plagë të rënda dhe është dërguar menjëherë në spital për të marrë ndihmën mjekësore. Ai ndodhet në gjendje kritike për jetën dhe pritet të dërgohet në një tjetër spital.
Sipas policisë greke, shqiptari ka qenë në një automjet, kur dy persona të armatosur, të pajisur me skafandra dhe me një motor, kanë qëlluar me armë në drejtim të tij.
Sipas mediave greke, shqipari nuk ka qenë një person i panjohur për policinë greke. Mësohet se 34-vjeçari ka qenë i burgosur në vitin 2013 për trafik droge. Ndaj edhe dyshohet se shqiptarit i është bërë atentat për larje hesapesh.
