Një ngjarje e rëndë ka ndodhur mbrëmjen e sotme në Vlorë, ku një person ka tentuar të bëjë një atentat ndaj një të riu 27-vjeçar, duke qëlluar në drejtim të tij.
Pasi ka qëlluar me armë në drejtim të të riut, menjëherë 27-vjeçari ka kallëzuar rastin në polici. Shërbimet e policisë mësohet se pas njoftimit kanë organizuar punën për identifikimin e autorit dhe ngritjen e postblloqeve për kapjen e tij.
Ndërkohë edhe grupi hetimor po vijon punën për sqarimin e rrethanave të ngjarjes.
Njoftimi i Policisë:
Vlorë/Informacion paraprak
Në sallën operative të Drejtorisë Vendore të Policisë Vlorë ka ardhur një telefonatë nga shtetasi M.F, 27 vjeç, banues në Vlorë i cili ka kallzuar se në lagjen Partizani, Vlorë, një person ende i pa identifikuar, që qarkullonte me një automjet dyshohet se ka qëlluar me pistoletë në drejtim të tij por pa i shkaktuar demtime atij dhe as kalimtarëve të rasit .
Shërbimet e Policisë, me marrjen e njoftimit kanë shkuar menjëherë në vendngjarje, kanë organizuar punën për identifikimin dhe kapjen e autorit të dyshuar.
Janë ngritur pika kontrolli, po kqyren kamerat dhe vijon krehja e zonës.
Grupi hetimor po vijon punën për sqarimin e rrethanave të ngjarjes.
