Gjatë puntatës së sotme, në emisionin Për’puthen ndër të tjera u transmetua edhe takimi romantik midis konkurentit nga Kosova, Atdhe Xharavina dhe Melisës.
Kur Melisa u pyet nga moderatorja e emisionit Bora Zemani, si dhe nga analisti Arjan Ikonomi se si e përjetoi takimin me Atdheun, ajo u shpreh se gjatë gjithë kohës i vinte për të qeshur në takim.
Pas kësaj deklarate të Melisës, moderatorja e pyeti këtë të fundit se mos vallë ishte kjo një shenjë që tregonte se ajo e pëlqente Atdheun. Ndërkohë nga ana tjetër, edhe Atdheu deklaroi se kishte pak emocione gjatë takimit me Melisën.
Ndërkohë kur ky takim u diskutua në studio nga të gjithë konkurentët, të cilët jepnin analizat dhe përshtypjet e tyre, ka ndërhyrë Erlindi, i cili deklaroi se vajzat “shkrihen pas Atdheut” dhe se nuk duhet që të fokusohen të gjitha vetëm te pamja e tij e jashtme, por duhet të përpiqen ta njohin më thellë si person dhe si karakter atë.
Pas kësaj deklarate, Melisa iu kundërvua Erlindi, duke “shpërthyer” ndaj tij dhe duke i thënë se ai është xheloz si shumica e djemve aty për Atdheun.
“Je xheloz ti? Atdheu është i mirë, i bukur dhe më tërheq fizikisht”, ka thënë Melisa./Gazetareforma.com/
