Pas atyre se çfarë ka qarkulluar në disa media lidhur me problemet shëndetësore të kryeministrit Edi Rama, ka reaguar ky i fundit.
Rama, në rubrikën “Përgjigja ime” në Facebook, ka thënë se nuk ka pësuar asnjë problem shëndetësor.
Ai shpjegon se ka shkuar në Gjermani për të takuar miqtë e BE dhe për t’i sqaruar rreth problemeve të Shqipërisë dhe baltën që sipas tij po hedh opozita.
“Siç e shihni jam mirë dhe nuk jam në spital në Berlin, por në zyrën time. Njerëz jemi dhe larg qoftë për cilin do, por edhe mund të sëmuremi. Por në Berlin isha jo për shëndetin tim, por për të takuar miq të Europës. Për të sqaruar pamjet e shëmtuara që opozita po bën për vendin.
Lajmi i atakut tim në zemër, ky lajm i sajuar nga opozita për sëmundjen e kundërshtarit politik do të thotë që ke prekur fundin. Do i hedh në gjyq që të paguajnë për këtë shpifje me shëndetin tim”- tha Rama.
