Qeveria greke ka bërë me dije se për shkak të situatës nga pandemia covid-19, ka ashpërsuar masat në pikën kufitare të Kakavijës.
Mediat greke kanë bërë me dije me anë të një njoftimi se kjo masë ndërmerret për të mbrojtur shëndetin publik në Greqi.
Prej ditës së nesërme (e hënë), zyrtarisht kush rezulton pozitiv me covid-19 nga testet e shpejta anti-gen, nuk do të lejohet që të kalojë drejt shtetit grek.
Deri më tani personat që dilnin pozitivë në kontrollet e palës greke në Kakavijë karantinoheshin 14 ditë, por tashmë nuk do të lejohen.
Po ashtu, sipas njoftimit, personat që tentojnë të kalojnë ilegalisht në Greqi do të gjobiten./GazetaReforma.com/
