Kryeministri i vendit, Edi Rama ka zhvilluar sot një konferencë për mediat.
Ai ka folur më shumë lidhur me samitin e djeshëm të mbajtur në Bruksel, ku u diskutua për hapjen e kapitujve të rinj mes Shqipërisë dhe BE-së.
Rama i bëri elozhe skuadrës kombëtare që po merret me procesin e hapjes së negociatave, duke iu dhënë vlerësime maksimale për punën e tyre. Ai tha se Shqipëria se ka pasur kurrë këtë respect nga vendet e Bashkimit Europian.
“U diskutuan perspektivat tona për në BE. U fol për procesin e normalizimit mes Serbisë dhe Kosovës, për nevojën e linjëzimit të Ballkanit Perëndimor dhe BE. Më vjen mirë që të ndaj sot me ju faktin se vendet anëtare kanë një vlerësim shumë pozitiv për progresin e Shqipërisë. Posaçërisht nga BE vlerësohet me nota pozitive performanca e skuadrës tonë kombëtare për negociatat për përmbushjen e skanimit të procedurave dhe tregjeve tona. Këto ditë do të organizoj dhe një takim falënderimi për anëtarët e kësaj skuadre. Kemi fituar një respekt që s’e kemi pasur kurrë”, tha Rama.
Mirëpo në deklaratën e BE-së theksohej se Shqipëria duhet të punojë më shumë më të drejtat e njeriut, lirinë e shprehjes, lirinë e medias dhe gazetarëve si dhe respektimin e pakicave kombëtare.
