Policia e Barit në kuadër të kontrolleve për mbikëqyrjen e zbatimit të masave ndaj COVID-19, ka ndaluar një kamion të tipit “Volvo”.
Kamioni vinte nga Durrësi dhe drejtohej nga një 47-vjeçar shqiptar.
Me ndihmën edhe të qenve antidrogë, agjentët e policisë gjetën dhe sekuestruan 12 kg kokainë dhe 8 kg heroinë.
Lënda narkotike ishte fshehur në një zonë të modifikuar tek leva e marsheve.
Menjëherë shqiptarit iu vunë pranga dhe tashmë pritet të dalë përpara drejtësisë.
Pak përpara se të kryenin kontrollet, shqiptari u tha agjentëve se po transportonte konfeksione veshjesh në Piacenza dhe Bergamo.
