Florenc Çapja është arrestuar në Dubai pasi ishte shpallur në kërkim për vrasjen e Nazir dhe Gentian Beqirit, bab e bir. Për vrasjen e tyre është arrestuar gjiythahstu edhe xhaxhai i Florenc Çapjas, Ardian Çapja.
Ndërkohë, gazetari Artan Hoxha ka bërë të ditura detaje rreth arrstimit me anë të një postimi në Facebook, ku shkruan se agjentë të Interpol Abu Dabi dhe policia e Dubait, ka shkuar të enjten për verifikime në apartamentin ku Çapja banonte me familjen e tij. Mësohet se Çapja nuk ka bërë asnjë tentativë për rezistencë apo për t’u larguar, madje është treguar bashkëpunues për verifikime të mëtejshme. Pasi ka kryer verifikimet e rastit, Policia e Emirateve të Bashkuara ka konfirmuar faktin se personi i shoqëruar, është i shpalluri në kërkim nga prokuroria shqiptare.
Për arrestimin e Florenc Çapjas nuk ka ende asnjë deklaratë zyrtare nga Policia shqiptare.
Postimi i gazetarit Artan Hoxha:
“Diten e enjte, me 27 maj, agjentet e zyres Interpol Abu Dabi në Emiratet e Bashkuara Arabe në bashkepunim me policine e qytetit të Dubait, kane shkuar në apartamentin ku banonte Florenc Çapja, bashke me familjen e tij, bashkeshorten dhe femijen e mitur. Çapja nuk ka bere asnjelloj tentative për rezistence apo për t’u larguar. Madje, ai eshte treguar bashkëpunues dhe eshte shoqeruar në policine e Dubait, për verifikime të mëtejshme. Policia e Emirateve të Bashkuara, pasi ka kryer verifikimet e rastit, ka konfirmuar faktin se, personi i shoqeruar eshte pikerisht, i shpalluri në kerkim nga prokuroria shqiptare,“-shkruan gazetari.
