Greku që urdhëroi të qëllohej i riu Mario Metaj është arrestuar, ndërsa i dyti është në kërkim, njoftoi policia greke. Në shtëpinë e vrasësit me origjinë shqiptare u gjetën revolverët, gëzhojat dhe kanabis.
Nxitësi i vrasjes u dërgua në prokurorinë e Gjykatës së Shkallës së Parë të Patras për akuzat e vrasjes me dashje në bashkëpunim, si dhe armëmbajtje pa leje.
Ky është një grek, i cili u arrestua nga Policia e Sigurimit në Patras, natën e së hënës vonë. Ai dhe bashkëpunëtori i tij i huaj dhe ekzekutori i vrasjes që është identifikuar dhe kërkohet, ishin afruar me makinë me katër burra të tjerë.
Ekzekutuesi shqiptar fillimisht kishte qëlluar në ajër, por më pas qëlloi Marion me nxitjen e grekut, i cili ndërkohë kishte plagosur njërin nga katër burrat në kokë duke e goditur atë me një shkop metalik të palosshëm . I riu fatkeq, i cili punonte në industrinë e hotelierisë, ishte shumë i pëlqyer nga të rinjtë e Patras, pasi kishte një aktivitet të fortë shoqëror. Ai u çua menjëherë në Spitalin Universitar të Patras ku vdiq, megjithë përpjekjet e mjekëve.
Pas arrestimit të grekut që dha urdhrin, policia kontrolloi shtëpinë e shqiptarit në kërkim dhe konfiskoi një revole me pesë gëzhoja në krehër, një revole kopje, 37.28 gram kanabis të papërpunuar, një peshore elektronike, një celular, një paketë lidhjeje të kompanisë së telefonit celular dhe 205 euro. /Gazetareforma.com/
