Pas një muaji në arrati, është vënë në pranga autori i ngjarjes së rëndë të 31 Gushtit, Bledar Trëndafili. Në lagjen dy të Korçës ai i hodhi benzinë dhe më pas i vuri flakën bashkëshortes së tij Melisa Trëndafilit, e cila u dërgua në gjendje të rëndë më repartin e djegie plastikës, ndërsa tani është jashtë rrezikut për jetën.
Autori u ndalua pak minuta më parë në Korçë, ndërsa policia gjatë kësaj kohe ka negociuar me familjarët e tij për dorëzim.
Burime të sigurta thanë se para disa ditësh 45-vjeçari ka shkuar në afërsi të QSUT , duke tentuar të takojë ish-bashkëshorten e tij, Melisa Trëndafili, aty ku dhe disa prej forcave blu të kryeqytetit e kanë identifikuar dhe kanë kërkuar arrestimin e tij. 45-vjeçari e ka kuptuar se ka qenë në vëzhgim policor dhe ia ka dalë të largohet me shpejtësi nga ambientet spitalore. Nga ky moment ka pasur një bashkëpunim mes uniformave blu të kryeqytetit dhe atyre të komisariatit të Korçës, ku këta të fundit ditën e sotme kane arritur te bëjnë arrestimin e tij në lagjen nr.4 të këtij qyteti.
45-vjeçari Bledar Trëndafili do të njihet edhe me masën e sigurisë dhe akuzat e ngritura nga Prokuroria e Korçës ndaj tij.
