Agim Shtyllza, 54 vjeç, u arrestua këtë të premte nga Policia, pasi ishte shpallur në kërkim ndërkombëtar për trafikim të lëndëve narkotike.
Shtyllza ishte shpallur në kërkim nga Interpol Roma, pas një vendimi të Prokurorit Publik në Torino që i caktuan masën “Arrest në burg” për veprën penale “Trafikimi i narkotikëve” në janar të vitit 2024.
Policia e Shqipërisë, në bashkëpunim me Interpol Romën, do të ndërmarrin procedurat e ekstradimit të tij në Itali.
Njoftimi i policisë:
I akuzuar nga autoritetet italiane, për veprën penale “Trafikimi i narkotikëve”, kapet dhe arrestohet me qëllim ekstradimin, 54-vjeçari.
Në vijim të kontrolleve të kryera bazuar në inteligjencën policore, për lokalizimin dhe kapjen e shtetasve të shpallur në kërkim, shërbimet e Forcës së Posaçme “Shqiponja”, si rezultat i shkëmbimit të informacioneve me Interpol Tiranën, kanë kapur në fshatin Stom Golem, shtetasin e shpallur në kërkim ndërkombëtar:
A. Sh., 54 vjeç, banues në fshatin Hot i Ri.
Ky shtetas ishte shpallur në kërkim ndërkombëtar nga Interpol Roma, pasi Prokurori Publik në Torino, në muajin janar 2024, i ka caktuar masën e sigurisë “Arrest në burg”, për veprën penale “Trafikimi i narkotikëve”.
Interpol Tirana, në bashkëpunim me Interpol Romën, do të kryejnë procedurat për ekstradimin e këtij shtetasi në Itali.
