Shërbimet e Forcës së Posaçme “Shqiponja” dhe Komisariati i Policisë Nr. 4, gjatë kontrolleve të befasishme në Tiranë, kanë goditur një rast të armëmbajtjes pa leje.
Shtetasi M. N., 24 vjeç, u arrestua pasi, gjatë kontrollit të automjetit tip “BMW” që ai drejtonte në rrugën “Xhanfize Keko”, u gjet një çantë supi që përmbante një pistoletë dhe municion luftarak, të cilat u sekuestruan si prova materiale.
Gjatë operacionit, u verifikuan dhe kontrolluan dhjetëra shtetas dhe automjete. Kontrolli do të vijojë edhe në zona të tjera të qarkut.
