Nga hetimet e rezultuara deri më tani sipas Prokurorisë për ngjarjen e ndodhur ditën e djeshme në Roskovec, ku u vranë me armë zjarri 2 shtetas, specialistët për Hetimin e Krimeve të Rënda të Drejtorisë Vendore të Policisë së Fierit arrestuan në flagrancë shtetasit:
Altin Kuka 49 vjeç dhe dy djemtë e tij Ervis Kuka 21 vjeç Emaurisio Kuka 18 vjeç të tre banues në Fier, pasi dyshohet se në bashkëpunim me njëri-tjetrin, kanë vrarë me armë zjarri automatik, shtetasit Lavdimir Kurtaj 46 vjeç dhe Gramos Kurtaj 52 vjeç, për motive të dobëta;
Ndërsa Tomor Zyka 67 vjeç, banues në fshatin Çukalat, është i akuzuar për veprën penale “Përkrahja e autorit të krimit”, parashikuar nga neni 302 i K. Penal.
Gjithashtu, u referuan materialet në Prokurori ku nisi procedimi në gjendje të lirë për shkak të moshës, për shtetasin Y. K, 79 vjeç babanë e autorit të kësaj makabre , i cili është banues në fshatin Kurjan. Ai u akuzua për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje i armëve të gjuetisë dhe sportive”, parashikuar nga nenet 278 dhe 280 i K. Penal.
Në cilësinë e provës materiale u sekuestruan 1 armë zjarri automatik, 1 armë zjarri pistoletë, 1 armë gjahu, 4 krehra, municion luftarak, 5 automjete dhe 1 motoçikletë.
.
