Tre të rinj janë arrestuar ditën e sotme në vendin e quajtur “Qfa e Vishës” në Himarë. Tre të rinjtë ishin bashkë në një mjet, ku poshtë sediljes së shoferit policia ka gjetur edhe lëndë narkotike kanabis sativa.
Lënda narkotike ishte e ndarë në doza, e vendosur në 39 qese të vogla farmaceutike.
Në ndjekje të tre të rinjve u vu policia e Himarës dhe FNSH e Fierit, ku arritën t’i ndalonin edhe pse kanë bërë rezistencë.
Në vijim të veprimeve, specialistët për Hetimin e Narkotikëve në Drejtorinë Vendore të Policisë Vlorë kanë arrestuar në flagrancë, drejtuesin e mjetit, shtetasin V. P., 23 vjeç, banues në Vlorë, për veprën penale “Prodhimi dhe shitja e narkotikëve”.
Gjithashtu, janë arrestuar edhe dy shtetasit e tjerë që ndodheshin në mjet, O. R., 34 vjeç dhe A. M., 24 vjeç, banues në Vlorë, për veprën penale “Moskallëzim krimi”.
