Në lidhje me arrestimin e ish-zyrtarit të FBI-së, Charles McGonigal, i cili rezulton të jetë dhe mik i kryeministrit Edi Rama, ka reaguar edhe kreu i Partisë së Lirisë Ilir Meta. Meta theksoi se Rama ka pasur gjithmonë raport të pasinqertë me botën dhe SHBA-të. Gjithashtu Meta paralajmëroi se të tjera skandale do të publikohen në vazhdim, që janë në kontekstin e raportit të pasinqertë të kryeministrit Edi Rama me SHBA-në.
Theksojmë se ndaj ish zyrtarit të lartë të FBI-së, Charles McGonigal i cili u arrestua në Nju Jork, përveç akuzës se ndihmoi oligarkun rus që sanksionuar nga SHBA, ndaj tij rëndon edhe akuza se mori 225 mijë euro ryshfet nga një ish zyrtar i inteligjencës shqiptare në vitin 2017 para se të dilte në pension.
“Dihet që raporti i më i pasinqertë në Botë është ai mes Edi Ramës dhe SHBA. Nga Bilali te Charles, skandal pas skandali tregon qartë se ky nuk ka qenë një raport vlerash por aferash nga Rama. Raport korrupsioni dhe instrumentalizimi i këtyre marrëdhënieve, me qëllim helmimin e miqësisë amerikano-shqiptare. S’jam i habitur për këtë, jam i sigurt se do të dalin skandale të tjera. Ju kam folur për ekzistencën e një mafie ndërkombëtare. Atje ku është mafia, është dhe antimafia. Ju kam thënë për Kim Filmin dikur, ndaj të keni durim”, tha Meta.
