Detaje të reja janë zbuluar nga operacioni që çoi në pranga Klement dhe Eldi Çalën, dy nga të akuzuarit kryesorë për grabitjen në Rinas.
Në operacionin për arrestimin e tyre morën pjesë 300 forca policie dhe RENEA.
Mësohet se ata ishin fshehur në një pallat në zonën e bregdetit, në Qerret të Kavajës.
Pasi rrethuan pallatin, forcat e policisë u futën brenda në apartamentin ku ndodheshin të shumëkërkuarit.
Gjatë operacionit u sekuestruan tre automjete luksoze “Audi”, motorë, armë zjarri dhe shuma të konsiderueshme parash.
Kujtojmë këtu se pasditen e 9 prillit 4 persona të maskuar, pasi çanë rrethimin, u futën brenda aeroportit të Rinasit.
Për 5 minuta ara arritën të grabisnin 4.6 milion euro nga barku i avionit “Austrian Airlines”.
Paratë i përkisnin bankave të nivelit të dytë në Shqipëri.
Pas grabitjes, autorët u përleshën me policinë pak km larg Rinasit.
Si pasojë e të shtënave me armë humbi jetën Admir Murataj, i konsideruar si truri i grabitjes.
