Teksa ditët e fundit ka pasur disa arrestime lidhur me koncesionin e sterilizimit, kjo temë është bërë pjesë edhe e konferencës për shtyp të kryeministrit Edi Rama
Kryeministri Edi Rama u shpreh se ajo është një nga punët më të bukura që ato kanë bërë e se nëse në procesin e asaj kontrate individë të caktuar kanë hyrë në gjynah me popullin do të paguajnë.
“Unë e kam ditur këtë që vjen. Nuk kam ditur kujt do t’i ndodhi, por e kam ditur këtë që vjen. Njerëzit që janë të impliuar janë shumë më pak se sa socialistët dhe janë asgjë në raport me këtë, me fuqinë e PS. E rëndësishme është që për shembull sterilizimi është një nga kontrata dhe punët më të bukura që ne kemi bërë dhe për këtë shkoni pyesni mjekët në spitale. Me atë kontratë ne kemi ndryshuar shëndetësinë shqiptare në hallkën e vetë më delikate që janë ndërhyrjet në trupin e njerëzve”.
Ai tha se kushdo që ka dalë jashtë ligjit në procedurën e kontratës së sterilizimit, duhet të mbajë përgjegjësi personale.
“Tani nëse në procesin e asaj kontratë individë të caktuar kanë hyrë në gjynah me popullin, do paguajnë. Kështu funksionon. Kur ne zgjedhim ne nuk i kalojmë njerëzit në sallën e torturave për të marrë vesh se ç’mund të bëjnë ata në të ardhmen. Pushteti është një lloj kafshe shumë e egër, është shumë e vështirë ta mbash të zbutur edhe të mos biesh pre. Ka sshmë që e mbajnë, ka disa që nuk e mbajnë. Por nuk mund të bëjmë parashikime paraprake se kush do t’i rezistojë tundimit. Pastaj në proces njerëzit janë natyra të ndryshme. Këtu nuk ka asgjë tjetër përvec përgjegjësisë individuale që nuk e mban dot peshën e tundimeve dhe rezultateve të punës”, theksoi kryeministri.
