Me datë 1 gusht SPAK sekuestroi inceneratorin e Tiranës, pasi nga hetimet rezultoi se shtetasit Klodian Zoto dhe Mirel Mërtiri janë pronarët “de facto” të kompanisë e cila ka përfituar koncesionin me vlerë mbi 128 milionë euro. Impianti i mbetjeve tashmë administrohet nga Agjencia e Administrimit të Pasurive të Sekuestruara dhe Konfiskuara, në Ministrinë e Brendshme. Teksa inceneratori vazhdon të jetë nën menaxhimin e shtetit, si administrator është emëruar Arjan Baçi.
Në një prononcim për mediat administratori Arjan Baçi u shpreh se bashkitë e qarkut të Tiranës janë debitore dhe u ka dërguar shkresat ku i kërkon që të zbatojnë kontratën pasi nëse nuk do të ndodhte do të sillte kaos në mbledhjen e mbetjeve urbane.
“Gjykata ka vendosur që për menaxhimin e kësaj shoqërie të merret shoqëria e administrimit të pasurive të sekuestruara dhe administrator jam zgjedhur unë nën varësin e ministrisë së Brendshme. Puna po vazhdon normalisht, po ndiqen të gjitha kontratat dhe po shihen prapambetjet që të bëhet trajtimi i mbetjeve urbane të Tiranës. Një nga problematikat është parë që bashkitë e Tiranës janë debitorë në këtë kompani dhe jemi duke dërguar shkresa për ti vënë para përgjegjësisë, pasi moszbatimi i tyre do të sillte një kaos për mbetjet”, deklaroi Baçaj.
Sekuestrimi i inceneratorit të Tiranës duket se bie poshtë teksa Baçi përmend se puna do vazhdojë normalisht duke u fokusuar në mbledhjen e taksve që kanë për të paguar bashkitë debitore, si Vora apo Kavaja.
Pra Baçaj na bën akoma më shumë konfuz kur shprehet se do të mbledh taksat për një incenerator inekzistues.
Vlen të theksojmë se më herët Arjan Baçi është caktuar si njeriu që do të administronte 26 pasuritë e sekuestruara të biznesmenit Ylli Ndroqi pas hetimit nga SPAK. Policia e Shtetit sekuestroi pasuritë e paluajtshme dhe të luajtshme në zotërim të shtetasit Ylli Ndroqi, si më poshtë:
- Kuotat dhe aksionet e shoqërisë “RENDON OIL” sh.p.k, në emër të shtetasit Ylli Ndroqi;
- Kuotat dhe aksionet e shoqërisë “YLDON” sh.p.k, në emër të shtetasit Ylli Ndroqi;
- Kuotat dhe aksionet e shoqërisë “DON-UCD” sh.p.k, në emër të shtetasit Ylli Ndroqi;
- Kuotat dhe aksionet e shoqërisë “REN-DON” sh.p.k, në emër të shtetasit Ylli Ndroqi;
- 80% të kuotave dhe aksioneve të shoqërisë “INTERKINEX” sh.p.k, me aksioner shoqërinë “YLDON”, përfaqësuar nga shtetasi Ylli Ndroqi;
- 80% të kuotave dhe aksioneve të shoqërisë “Ecogades Landon Balcan” sh.a, me aksioner shoqërinë “Landon”, përfaqësuar nga shtetasi Ylli Ndroqi;
- 60% të kuotave dhe aksioneve të shoqërisë “ORA” sh.a, në emër të shtetasi Ylli Ndroqi dhe të masës 40% të kuotave në emër të shtetases M. N.;
- 51% të kuotave të shoqërisë “Landon” sh.p.k, në emër të shtetasit Ylli Ndroqi;
- 50% të kuotave dhe aksioneve të shoqërisë “P 8 31” sh.p.k, në emër të shtetasit Ylli Ndroqi;
- 50% të kuotave dhe aksioneve të shoqërisë “ALBANIA BAY MARINE”, me aksioner shoqërinë “YI.DON”, përfaqësuar nga shtetasi Ylli Ndroqi;
- 30% të kuotave dhe aksioneve të shoqërisë “CHANNEL ONE” sh.p.k, në emër të shtetasit Ylli Ndroqi.
- Pasuria e llojit “apartament”, me sipërfaqe 117 m2, me adresë lagjja nr. 13, Plazh, Durrës;
- Pasuria e llojit “truall”, me sipërfaqe 300 m2, me adresë Tiranë;
- Pasuria e llojit “truall”, me sipërfaqe 600m2 dhe një ndërtesë me sipërfaqe 90 m2, me adresë Tiranë;
- Pasuria e llojit “njësi shërbimi”, me sipërfaqe totale 43.7 m2, me adresë Tiranë;
- Pasuria e llojit “arë”, me sipërfaqe totale 67.3 m2, me adresë Tiranë;
- Pasuria e llojit “truall”, me sipërfaqe totale 15 m2, me adresë Tiranë;
- Pasuria e llojit “truall”, me sipërfaqe totale 300m2, me adresë Tiranë;
- Pasuria e llojit “truall”, me sipërfaqe totale 2026m2, me adresë Tiranë;
- Pasuria e llojit “apartament”, me sipërfaqe, 52.3 m2, me adresë Tiranë, në bashkëpronësi me shtetasen M. N;
- Pasuria e llojit “pyll”, me sipërfaqe totale 100.000 m2, në Tiranë (Lanabregas);
- Automjeti i tipit autoveturë, marka “Merces Benz”, modeli S600, në pronësi të shtetasit Ylli Ndroqi.
- Automjeti i tipit autoveturë, marka “Rolls Royce”, modeli PHANTOM, në pronësi të shtetases M. N.;
Gjithashtu Baçi është favorizuar duke u vendosur administratori i resortit turistik “Santa Quaranta” i Klement Balilit, ku ky i fundit akuzohet për trafik ndërkombëtar droge dhe njihet ndryshe dhe si “Escobari i Ballkanit”.
/GAZETA REFORMA
