Ditën e sotme opozita zbarkoi para Kuvendit për të protestuar kundër qeverisë Rama dhe diktarurës së vendosur nga ai, siç e quajnë demokratët. Në mes të protestuesve ishte edhe vajza e ish-kryeministrit Sali Berisha, Argita Malltezi.
Në fakt, kjo nuk është hera e parë që ajo merr pjesë në protestat e organizuara nga opozita. Kjo ka shtuar shumë zërat se ajo do të jetë një kandidatet kryesore për marrjen e drejtimit e opozitës.
Për këtë çështje, ajo u pyet nga Top News, nëse e ka një synim të tillë vetë ajo.
Argita është përgjigjur se nuk është një moment i përshtatshëm për të synuar kryesinë e partisë, ndërsa shtoi se Berisha po e menaxhon shumë mirë situatën e vështirë të opozitës.
Ajo siguroi opinion publik se nuk ka asgjë të tillë në planet e saj, duke theksuar se do të fokusohet më shumë tek karriera e saj.
“Ky nuk është një moment për të synuar kryesinë, për të shtrënguar radhët dhe për të qëndruar. Unë do jap kontributin tim ashtu siç kërkohet sipas rrethanave duke dalë në shesh, si një nga demokratët, apo çdo funksioni tjetër shoqëror përveç se politik. Nuk mund të them, nuk kam një plan të tillë tani për të marrë kryesinë e opozitës”, u shpreh Malltezi.
