Dy ditë më parë, Byroja Kombëtare e Hetimit (BKH), ka mbyllur procesin e fazës së dytë të përzgjedhjes së kandidatëve, atë të Testit të Aftësive Fizike.
Faza e mëtejshme e konkurimit për BKH-në, do të jeti testi me shkrim dhe eseja.
Pas mbylljes së procesit të fazës së dytë,atë të Testit të Aftësive Fizike, disa aplikantë kanë shfaqur pakënaqësi dhe kanë akuzuar strukturat e BKH-së që janë eliminuar padrejtësisht dhe se mungon transparenca.
Pikërisht për këtë arsye, procesi i përzgjedhjes për BKH-në, është paditur në Gjykatën Administrative.
Kandidatët janë shprehur se nuk ka pasur transparencë dhe se nuk kanë pasur një rregullore, ku të ishin të informuar pikët që duhet të kishin për të kaluar në fazën tjetër.
Bëhet me dije gjithashtu se një prej aplikantëve kërkon që të shpallet i i pavlefshëm procesi si dhe të pezullohet deri sa të vendosë gjykata./ GazetaReforma.com/
