Shumë familje në Milot kanë mbetur pa shtëpi si pasojë e tërmetit të 26 nëntorit.
Ata e kalojnë natën në çadrat e ushtrisë, por tashmë që ka trokitur dimri, nevojitet edhe zëvendësimi i tyre.
Një vajzë e vogël nga Miloti i ka bërë thirrje kryeministrit Edi Rama, që t’i sjellë një çadër dimri, pas shiu i ka hyrë brenda dhe është zgjuar e lagur
“Unë nuk mund të flej më te kjo çadër. Ju lutem kryeministër mundeni që të bini një çadër dimri”. Është shumë vështirë dhe shumë ftohtë për të fjetur. Shiu ka hyrë i gjithë brenda, batanijet janë lagur. Edhe unë jam lagur”, shprehet vajza për “Abcnews”.
Problematike paraqitet situate edhe në Fushë-Mamurras, ku Asllan Sala ka përshatur si krevat disa dëngje më kashtë.
Ai thotë se ka kërkuar çadër tjetër për familjen, por nuk ia kanë sjellë.
“Kam kërkuar çadër tjetër për familjen time, s’më kanë sjellë. Kam marrë dy herë pako”, thotë ai.
