Sekretari amerikan i Shtetit, Antony Blinken ka reaguar pas përfundimit të amrëpushimit mes Izraelit dhe Palestinës.
Ai ka deklaruar për mediat se ishte organizata terroriste ajo që donte të përfundote sa më parë armëpushimi, duke hedhur kështu poshtë pretendimet e Hamasit.
Kujtojmë se Hamasi ka pretenduar më herët se SHBA dhe Izraeli i dhanë fund armëpushimit sepse donin që luftimet të rifillonin.
“Është e rëndësishme të kuptojmë pse pauza mori fund, ajo mori fund për shkak të Hamasit,” tha Blinken.
Blinken përmendi raktet e lëshuara në drejtim të Izraelit para përfundimit të armëpushimit si një shenjë se Hamasi nuk kishte interes të respektonte paktin, ndërsa shtoi se organizata e militantëve kishte hequr dorë edhe nga lirimi i pengjeve.
