Ka kaluar një javë që kur ligji ‘Anti-KÇK’ hyri në fuqi dhe nxorri në terren strukturën Operacionale Forca e Ligjit (OFL).
Dy ditë më parë u raportua se policia kishte zbarkuar në qytetin e Beratit (Lexo këtu), ku po bënte kontrolle të shumta, e më pas një aksion i tillë u ndërmor edhe në Fier(Lexo këtu)
Por, këto dy qytetet nuk kanë qenë të vetmit, pasi Policia e Shtetit dhe FNSH janë duke zhvilluar kontrolle edhe në qytetet të tjera, si: Tiranë, Durrës, Gjirokastër, Korçë, Sarandë, Shkodër, ku bëhen kontrolle tek makinat e dyshimta.
Deri më tani janë bllokuar: 19 makina në Gjirokastër, 10 në Durrës, 5 në Tiranë, 3 në Shkodër, ndërsa nuk ka ende të dhëna për aksionin në Fier dhe Korçë.
Si funksionin aksioni dhe si lidhet policia me OFL-në?
Në qytetet e mësiperme janë ngritur pika të shumta kontrolli të befasishëm për makinat e dyshimta.
Kur policia sheh një makinë luksioze ushtron kontrolle dhe merr në pyetje drejtuesin e saj, i cili nëse mundet ta justifikojë blerjen e saj mund të largohet.
Në të kundërt, nëse pronari i makinës nuk arrin të justifikojë blerjen e saj dhe rezulton se është një person me të kaluar të dyshimtë kriminale, dosja e tij i dërgohet OFL-së.
Se si vijon procesi më pas mund të lexoni linkun më poshtë:
Ja hapat për justifikimin e pasurisë dhe plotësimin e formularit nga OFL
Kujtojmë se deri më tani OFL ka arritur të piketojë persona të rëndësishëm të botës së krimit, si : Altin Hajri, Lulzim Berisha, Ardian Çapja etj.
Klikoni në linkun më poshtë për të mësuar më shumë rreth këtyre personave.
Në 4 ditë pune OFL godet 14 persona të botës së krimit, ja emrat dhe akuzat
