Komisioni i Ankimimeve dhe Sanksioneve ka hedhur sot shortin për caktimin e relatorëve të kërkesave ankimore që janë depozituar në Komisionin Qendror të Zgjedhjeve lidhur me zgjedhjet e 25 prillit. Pasi përfundoi afati për dorëzimin e ankesave nga subjektet politike, është bërë publike dhe lista e relatorëve që do të merren me secilën çështje.
Kujtojmë që ka pasur ankimime nga Partia Demokratike dhe Aleanca për Ndryshim për zgjedhjet parlamentare të datës 25 prill. Ata kërkojnë rinumërim të votave dhe përsëritje të zgjedhjeve në disa qarqe pasi thonë se kanë argumenta se janë blerë vota. Ndërkohë, ditën e martë do të hidhet shorti edhe për relatorët e çështjeve që janë forëzuar sot.
Rezultatet e shortit përcaktuan relatorët si në listën që vijon më poshtë:
– Relator i kërkesave nr. 40, nr. 36 dhe nr. 38 është z. Elvin Lako.
– Relator i kërkesave nr. 43, nr. 46 dhe nr. 34 është z. Elvis Cefa.
– Relator i kërkesave nr. 42, nr. 45 dhe nr. 44 është z. Ilirjan Rusmali.
– Relator i kërkesave nr. 37, nr. 41 dhe nr. 35 është z. Koli Bele.
– Relator i kërkesave nr. 32, nr. 33 dhe nr. 39 është z. Ledio Braho.
Ditën e Martë, dt. 11.05.2021 në orën 09:00 do të hidhet shorti për caktimin e relatorëve për kërkesat ankimore të depozituara sot në KQZ, KA nr. 47, nr. 48, nr. 49 dhe nr. 50.
