Një tragjedi detare është shënuar pranë brigjeve të Indonezisë, ku një anije pasagjerësh, KM Barcelona 5, ka shpërthyer në flakë gjatë lundrimit drejt qytetit Manado.
Të kapur nga paniku, qindra pasagjerë janë detyruar të hidhen në det me jelekë shpëtimi për t’i shpëtuar zjarrit.
Sipas autoriteteve indoneziane, si pasojë e ngjarjes kanë humbur jetën pesë persona, mes tyre edhe një grua shtatzënë. Zëvendësadmirali Denih Hedrata bëri të ditur se në operacionet e shpëtimit janë përfshirë tre anije luftarake të Marinës dhe dhjetëra peshkatarë vendas. Deri më tani janë shpëtuar 284 pasagjerë dhe anëtarë të ekuipazhit.
Ngjarja ndodhi në afërsi të zonës Talisay, ndërsa anija po vinte nga Talawi. Shumë prej pasagjerëve u shpëtuan teksa ishin marrë nga dallgët drejt ishujve përreth.
Autoritetet kanë nisur hetimet për të zbuluar shkakun e shpërthimit, ndërsa vijojnë kërkimet për të zhdukurit.
