Një 47-vjeçar me origjinë shqiptare është dënuar me 20 muaj burg pasi kishte kultivuar bimë kanabisi në Angli. Arben Kolgjoku tha se ishte pjesë e kulturës së tij që njerëzit punonin për të shlyer borxhet, gjë që ai e bëri duke u kujdesur për rritjen e paligjshme në një shtëpi në Gateshead pasi i detyrohej 7,000 paund.
Babai i dy fëmijëve i martuar, pa vendbanim të caktuar, Kolgjoku pranoi që merrej me prodhimin e kanabisit. Sipas vendimit të gjykatës, pas lirimit nga burgu 47-vjeçari do të kthehet menjëherë në Shqipëri. Policia bastisi një shtëpi trekatëshe në Windmill Way më 17 maj, e cila ishte kthyer në një fermë kanabisi. Ata gjetën 283 bimë me vlerë deri në 105,000 £. Gjatë gjykimit të çështjes, Kolgjoku ka refuzuar të thotë se kujt ia kishte borxhin. Ai tha se ishte bir fermerësh, mori një diplomë në biokimi, ka punuar si truprojë në vendin e tij dhe është marrë me bujqësi në Itali, përpara se të shkonte në Mbretërinë e Bashkuar.
