Ministrja e Drejtësisë, Etilda Gjonaj zhvilloi sot një interpelancë me gratë e dënuar në IEVP e “Ali Demit” në Tiranë.
Ajo informoi të dënuarat, se me projektligjin e ri, një pjesë e tyre do të përfitojnë amnisti.
Sipas ministres një nga kriteret e amnistisë do të jetë mosha 55 vjeç e sipër.
Gjithashtu Gjonaj tha se nga amnistia do të përfitojnë edhe ato që kanë edhe 3 vite burg për të shlyer.
Ndër të tjera ajo shtoi, se është përgatitur një studim dhe të dënuarave që përfshihen në këto kategori, do t’u rishikohet kartela ligjore.
“Është përgatitur një studim duke marrë një për një kartelën ligjore për të gjitha gratë dhe kemi parë periudhën e që iu ka mbetur. Ne do të arrijmë në konkluzionin se grave që ju ka mbetur nën tre vjet burg do të rishikohen me amnisti. Një ndër kriteret e amnistisë është edhe mosha. Po shihet edhe kriteri i moshës. Gratë që kanë mbushur moshën 55 vjeç, por duke marrë edhe kohën e dënimit në tre vjet, por edhe ato që janë nën tre vjet do përfitojnë nga amnistia. Amnistia e përgjithshme është një fakt që iu gëzon shumë”, u shpreh ministrja.
