Nga Alba Kepi
“Të sëmurëve onkologjikë u mohohet shërbimi shëndetësor publik, rritet represioni ndaj gazetarëve e limitohet liria e medias, ka diskriminim të personave të racave e etnive të ndryshme, e shkelen liritë e të drejtat e emigrantëve.”
Amnesty International, kjo organizatë jo qeveritare me mision mbrojtjen e të drejtave njerëzore, drejtësinë e të vërtetën, ka publikuar sot me analizën e të dhënave në 150 vende mes të cilave dhe Shqipëria.
“Në Shqipëri, pacientëve onkologjikë u mohohet asistenca shëndetësore gratis në spitalin publik Nënë Tereza në Tiranë. Vazhdon dhuna shtëpiake ndaj grave e vajzave. Personat në burg vuajnë mbipopullimin e kanë një asistencë shëndetësore të papërshtatshme. Liria e shtypit vijon të kërcënohet. Shfaq shqetësim privimi i lirie dhe të drejtave të refugjatëve pas një Pakti nënshkruar me Italinë për ngritjen e kampeve për azilkërkuesit e shpërtuar në det.”
Ky është konkluzioni i organizatës Amnesty International, në raportin vjetor 2024-2025 mbi Shqipërinë.
Amnesty International thkeson se mjaft pacientë onkologjik në Shqipëri adresohen nga mjekët të mos kurohen në spitalin publik ‘Nënë Tereza’ por të shkojnë në klinika private me pagesë.
“Komiteti i OKB për të drejtat ekonomike, sociale e kulturore ka evidentuar preokupimet mbi papërshtatshmërinë e strukturave shëndetësore në Shqipëri, mungesën e personelit, mungesën e shërbimeve të specializuar për sëmundjet seksuale e riprodhimit, mungesën e shërbimeve shëndetësore në zonat rurale”, shkruhet në të.
