Ambasadorja e SHBA-ve në Tiranë, Yur Kim ka zhvilluar këtë të mërkurë një takim në selinë e Partisë Socialiste. Mësohet se Kim është paraqitur në selinë e PSrreth orës 10:40 ka takuar sekretarin e përgjithshëm të kësaj force politike, Damian Gjiknurin. Mësohet se situata politike dhe zgjedhjet e 14 majit, ishin 2 nga temat e diskutimit gjatë takimit.
Ndërkohë pas takimit në selinë e PS me Gjiknurin, ambasadorja amerikane Yuri Kim ka mbërritur në Kryesinë e Kuvendit, ku mësohet se do të kryejë një takim me Enkelejd Alibeajn.
Kim gjithashtu në një konferencë të përbashkët me Niko Peleshin ka shprehur mbështetjen e vendit të saj për Procesin e Berlinit. Ambasadorja Kim deklaroi se në kohën kur Procesi i Berlinit nuk po lëvizte ishim mbështetës të fortë të Open Balkan.
“Ne jemi mbështetës të fortë të procesit të Berlinit dhe gjatë kohës kur Procesi i Berlinit nuk po lëvizte ishim mbështetës të fortë të Ballkanit të Hapur. Ne mendojmë se zhvillimet pozitive do të krijojnë më shumë prosperitet për rajonin e Ballkanit.
Vende të tjera në rajon duhet të ndjekin shembullin që ka vendosur Shqipëria, i cili është i qartë për të refuzuar përpjekjet ruse për të infiltruar në politikën e brendshme”, tha Yuri Kim.
