Ambasadori italian, Fabrizio Bucci, ka komentuar zgjedhjet e 11 majit në Shqipëri, duke u bërë thirrje partive politike të zhvillojnë një fushatë elektorale të përqendruar te programet konkrete dhe të qarta për përmirësimin e jetës së qytetarëve.
Ai vlerësoi situatën politike në vend si shumë konfliktuale dhe shprehu shpresën që fushata të fokusohet në çështje reale dhe të matshme për qytetarët.
Bucci theksoi rëndësinë e një debati të bazuar në fakte dhe vuri në dukje mbështetjen e palëkundur të Italisë për Shqipërinë në rrugën e saj drejt Bashkimit Evropian.
Ai shtoi se të gjitha partitë politike duhet të punojnë së bashku për të mirën e të gjithë shqiptarëve, duke theksuar se Italia do të mbetet një partner i fortë dhe i përkushtuar për Shqipërinë.
