Ambasadori i Bashkimit Europian në Shqipëri, Luigi Soreca ka deklaruar se Shqipëria ka përparuar në rrugën kundër korrupsionit dhe e vetmja mënyrë si ai mund të luftohet, është me punë të përbashkët dhe mirëkoordinim.
Gjatë konferencës “Sfida dhe lufta kundër korrupsionit” Soreca tha se politikanët, gjyqtarët e prokurorët duhet ta kuptojnë se askush nuk është mbi ligjin. Nga ana tjetër, qytetarët shqiptarë duhet ta kuptojnë se Bashkimin Europian e kanë në anën e tyre.
“E vetmja mënyrë se si mund të luftohet korrupsioni dhe krimi i organizuar në mënyrë efikase është puna e përbashkët, e mirëkoordinuar dhe e vazhdueshme. Djegia, rastet dhe përqasja e duhur për të luftuar korrupsionin dhe krimin e organizuar. Të premten e kaluar patëm një super sukses me operacionin “Shpirti”. Hetimi i krimit financiar kërkon një punë specifike se është shumë kompleks. Politikanët, gjyqtarët, prokurorët duhet të kuptojnë që askush nuk është mbi ligjin. BE e ka mbështetur Shqipërinë me 60 mln euro që prej 2020-s, për rritjen e kapaciteve të strukturave të rëndësishme. Sfidat janë të shumta dhe synimi ynë është i përbashkët. Një klimë që do të sjellë investime dhe do të rrisë standardet ekonomike. Qytetarët shqiptarë duhet të kuptojnë se Bashkimin Europian e kanë në krahun e tyre”, u shpreh Soreca.
