Ambasadori i Bashkimit Europian në Tiranë, Silvio Gonzato, ka uruar shqiptarët për festën e Pavarësisë përmes një postimi në rrjetet sociale.
Ai theksoi se ky përvjetor e gjen Shqipërinë me hapjen e negociatave për grup-kapitullin e parë, duke nënvizuar se ka ende shumë sfida përpara.
Gonzato shtoi se Bashkimi Europian është i përkushtuar të qëndrojë në krah të Shqipërisë në çdo hap të procesit të saj të integrimit.
“Gëzuar Ditën e Pavarësisë Shqipëri! Hapja e negociatave të anëtarësimit për Grupkapitullin e parë mbi themelorët këtë vit është një hap i rëndësishëm drejt anëtarësimit në familjen e Bashkimit Evropian. Shumë sfida janë përpara, por BE-ja është e përkushtuar të qëndrojë në krah të Shqipërisë në çdo hap”, shkruan Gonzato.
