Ambasadori i Bashkimit Evropian në Serbi, Sem Fabrizi, ka folur mbi dialogun midis Kosovës dhe Serbisë, dialog të cilin ambasadori e konsideron një element kyç për anëtarësimin e kësaj të fundit në BE.
“Raundi i fundit i dialogut mund të ketë qenë më i vështiri nga të vështirët. Të dyja palët duhet t’i përkushtohen atij. Dialogu është një element kyç për stabilitetin rajonal dhe pranimin e Serbisë në BE. Ka interes të madh që dialogu të ketë sukses dhe BE-ja po bën të pamundurën për këtë”, u shpreh fillimisht Fabrizi për Radio Televizionin e Serbisë.
Fabrizi tha se kushtet që Brukseli ia ka vënë Serbisë për anëtarësim në Bashkimin Europian, janë konstante dhe nuk ndryshojnë. “Dihet se për çfarë bëhet fjalë, dialogu me Prishtinën, sundimi i ligjit, reformat ekonomike, prokurimi publik, subvencionet, ndihma shtetërore janë gjëra për të cilat duhet të punohet”, tha Fabrizi.
Serbia ka hapur disa kapituj të negociatave për anëtarësim në Bashkimin Europian. Nga vendet e tjera të Ballkanit Perëndimor, negociatat e anëtarësimit i ka hapur edhe Mali i Zi. Takimi i fundit midis Albin Kurtit dhe Aleksandër Vuçiç është mbajtuar më 19 korrik ku nuk pati asnjë marrëveshje apo ndonjë pikë të përbashkët midis të dyja palëve.
