Coronavirusi ka prekur çdo kontinent, teksa në gjithë botën janë shënuar 4,300 viktima dhe numri i të infektuarve ka shkuar në 121,500 persona.
Nga virusi nuk ka shpëtuar as gadishulli ballkanik, teksa shumë pak shtete nuk janë prekur ende.
Në Serbi janë shënuar 12 raste të infektuara, mirëpo së fundmi po bën xhiron e rrjetit një video e presidentit serb Aleksandër Vuçiç.
Ditën e sotme ai mbajti një konferencë për shtyp, ku pasi piu ujë u kollit më shumë se 20 sekonda
“Unë vetëm u kollita, por mos u shqetësoni, nuk është Coronavirusi. E di se shumë do të ishin të lumtur nëse do të ishte një Coronavirus, por nuk është”, tha ai.
https://www.youtube.com/watch?v=jKu6OxvZk50
Kujtojmë se pak më parë OBSH ka shpallur COVID-19 një pandemi, duke deklaruar se po përhapet me shpejtësi alarmante dhe se në dy javë numri i të prekurve jashtë Kinës është 13-fishuar.
Në vendin tonë virusi trokiti 3 ditë më parë dhe tashmë janë regjistruar 11 të infektuar dhe 1 viktimë.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
