Aleksander Vuҫiҫ, presidenti i Serbisë, deklaroi se nga të dhënat që ai ka, Kosova po përgatit edhe 3 masa mbrojtëse të reja ndaj Serbisë.
Ai thotë se nuk është i informuar plotësisht se për cfarë bëhet fjalë, por këtë herë shteti serb do të kundërpërgjigjet.
Ndërsa këshilltari i kryeministrit Haradinaj, Avni Arifi ka konfirmuar për lajmi.net që do merren masa të reja. Ai nuk ka dhënë sqarime vetëm ka thënë që këto masa janë pjesë e një strategjie pasi nuk do ta tolerojnë më që Kosova të trajtohet nga Serbia siҫ është trajtuar vitet e kaluara.
Theksojmë që qeveria e Kosovës më datë 21 nëntor, ka vendosur taksë 100% ndaj mallrave që importohen nga Serbia.
Sipas Avni Arifit, tani e tutje Kosova do ta mbroj veten dhe nuk do lejojë që politikat të jenë të njëanshme.