Aleanca për Mbrojtjen e Teatrit vijon turin e saj nëpër Shqipëri, duke u ndalur në Gjirokastër dhe Sarandë për të firmosur peticionin për ndërtimin sërish të Teatrit Kombëtar aty ku ishte dhe ashtu siç ishte.
Firmosja e peticionit u bë jashtë teatrit ”Zihni Sako’’, ndërsa të pranishëm ishin disa nga mbrojtësit e kësaj kauze si, Edmond dhe Robert Budina, Adriana Tolka, Neritan Licaj etj.
Ajo që ka rënë në sy, ishte refuzimi për pjesëmarrje të aktorëve dhe regjisorëve të këtij teatri që numërohen jo pak por 13 të tillë, pasi askush nga këta nuk është parë në tubimin e sotëm.
https://www.facebook.com/110243613751205/videos/553948398623210/
Aleanca për Mbrojtjen e Teatrit prej shembjes së godinës ka zhvilluar 3 protesta në Tiranë dhe ka nisur një tur në Shqipëri me të cilin synohet që të mblidhen firma nga qytetarë e artistë për rindërtimin e Teatrit Kombëtar aty ku ishte ashtu siç ishte, por rindërtimit është një premtim dhe i Lulzim Bashës.
Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.
Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe.
Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.
Sakaq, nuk kanë munguar edhe reagimet nga ndërkombëtarët, që kanë kritikuar dhe dënuar shembjen e Teatrit.
