Pas zgjedhjeve të djeshme, ambasada amerikane shkruan se SHBA-ja qëndron krah Kosovës dhe pret të punojë me qeverinë e re.
Në një postim në rrjetet sociale, Ambasada amerikane në Kosovë shkruan se i përgëzon qytetarët e kosovës dhe se do të punojë me Qeverinë e re, sapo ajo të formohet.
“I përgëzoj qytetarët e Kosovës, që dëshmuan përkushtimin për demokraci dhe vizion të së ardhmes. Amerika qëndron krah Kosovës dhe mezi pret të punojë me Qeverinë e re, sapo të formohet, në qëllimet e përbashkët për paqe, drejtësi dhe prosperitet”, thuhet në postimin e ambasadës.
Qytetarët e Kosovës shkuan në dje në zgjedhjet e jashtëzakonshme, ku morën pjesë 46.90 % e votuesve. 28 parti garuan për 120 karrige në Kuvend.
Në këto zgjedhje të parakohshme, Lëvizja Vetëvendosje, pësoi një fitore historike edhed në zonat që nuk pritej.
Akoma më i madh ishte zhgënjimi se disa prej liderëve politikë që kishin synime për kryeministër nuk arritën dot të fitojnë as në vendlindjet e tyre. Kandidati i PDK, Enver Hoxhaj humbi në Peçan të Suharekës, teksa qytetarët aty zgjodhën Vetëvendosjen.
Zgjedhjet u fituan thellë nga LVV dhe Albin Kurti, ndërsa PDK pranoi humbjen dhe qëndrimin në opozitë e po ashtu dhe LDK. I vetmi që është i hapur për koalicion me VV është Ramush Haradinaj, i cili synon edhe postin e presidentit.
Parlamenti i ri pritet të zgjedhë edhe presidentin, ndërsa pritet edhe një koalicion qeverisës pasi VV-së i duhen 61 mandate për krijimin e qeverisë së re, që e vetme nuk mundet që ti plotësojë.
