Britania e Madhe edhe gjatë ditës së sotme ka patur shifra tepër të larta të infektimeve me koronavirus.
Bëhet me dije se gjatë ditës së sotme janë shënuar 33,364 raste të reja me koronavirus.
Që prej shfaqjes së variantit të ri të koronavirusit, i cili ka fuqi të transmetimit 70% më të madhe, rastet e reja në Britani kanë vijuar të rriten. Gjatë ditës së djeshme u vendos edhe rekordi më i lartë me 35,928 raste ditore.
Po ashtu ekspertët e shëndetit publik, kanë treguar se variantin e ri të koronavirusit e kanë hasur tashmë edhe në shtete europiane si Italia, Holanda, Danimarka dhe Austria.
Sekretari i Shëndetësisë në Britaninë e Madhe, Matt Hancock deklaroi se numri i rasteve që përfshijnë variantin e ri po “rritet me shpejtësi”.
Por, cilat janë simptomat e këtij virusi dhe a është më i rrezikshëm?
Tipi i ri i Covid-19 nuk mendohet të jetë më i rrezikshëm, apo të shkaktojë simptoma më të këqija, por përhapet me një shpejtësi normale.
Simptomat e zakonshme të këtij versioni të covid-19 janë një kollë e vazhdueshme, dhimbje gjoksi, humbje e shijes dhe nuhatjes.
Sipas informacioneve për mediat e huaja, ky version i koronavirusit, mund të jetë 70% më infektues se covid-19 i formës së parë./Gazetareforma.com/
