Një ngjarje e rëndë e ndodhur në dhjetor të 2019 tronditi qytetin e Librazhdit.
5 ditë pas martese Olsi dhe Rezarta Hajdari u helmuan nga monoksidi i karbonit, i përhapur nga mangalli me prush.
Olsi arriti të shpëtonte pas dërgimit në spital, ndërsa 19-vjeçarja gjeti vdekjen.
Pas dyshimeve të ngritura nga familjarët, trupi i 19-vjeçares u dërgua për kryerjen e autopsisë.
Në përgjigjen e autopsisë, të publikuar sot, thuhet se Rezarta Hajdari u helmua nga monoksidi i karbonit, si pasojë e prushit në dhomë.
Pas kësaj kanë reaguar edhe familjarët e Rezartës.
Nëse më parë ata kërkonin drejtësi dhe dyshonin se vajza ishte helmuar qëllimisht, tashmë kanë ndryshuar mendim.
Në një lidhje telefonike me Report Tv, vëllai i 19-vjeçares, Reshit Xibraku është shprehur se është dakord me ekspertizën e bërë nga mjekët dhe se nuk ka më dyshime për vdekjen e motrës së tij.
“Analizat i mora. Jo nuk kam asgjë për të thënë. E pranoj se është helmuar nga mangalli.” – është shprehur ai.
Ndërkohë, bashkëshorti i Rezartës, Olsi Hajdari nuk ka reaguar ende, të paktën publikisht.
