Aktorja e njohur shqiptare ka fituar 9.5 milionë dollarë nga televizioni i njohur “CBS”, për shkak të disa akuzave seksuale.
Sipas “The New York Times”, Eliza Dushku arriti të fitonte gjyqin me rrjetin e famshëm, me të cilin bashkëpunoi për një nga produksionet e tij.
Aktorja është shprehur se, gjatë xhirimeve u ndje nën presionin e ngacmimeve seksuale nga aktori Michael Weatherly, i cili kishte gjithashtu një rol kryesor në këtë dramë televizive.
Dushku akuzoi aktorin për sjellje ngacmuese ndaj saj, duke krijuar një ambient pune krejtësisht të papërshtatshëm. Historia nisi kur shqetësimet e saj Dushku ia shprehu shkrimtarit të dramës, Glenn Gordon Caron, i cili i quajti mashtrime dhe për këtë vendosi që ta hiqte aktoren shqiptare nga produksioni.
Michael Weatherly
Pas vendimit drastik, ajo e çoi çështjen në gjyq, duke akuzuar rrjetin “CBS” për largimin e papritur.
Hetimet konfirmuan pretendimet e aktores shqiptare, e cila u dëmshpërblye me 9.5 milionë dollarë, shumë të cilën do ta merrte nëse do të punonte për katër sezonet e kësaj drame.
