Një ngjarje e rëndë ka ndodhur në Rusi, ku një ish-zyrtar i burgjeve të Rusisë u dënua me 3 vjet burgim dhe pas kësaj ka kryer vetëvrasje.
Viktor Sviridov ka qenë kryetar i departamentit të Transportit Motorik të Shërbimit Federal të Burgut dhe u dënua për zhvatjen e 155 mijë dollarëve nga ish-drejtori i shërbimit.
Menjëherë, sapo u dha vendimi që Sviridov të dërgohej në paraburgim, ai ka qëlluar veten me armë, të cilën e kishte futur vetë në ambientet e gjykatës.
Po ashtu, viktima ka qenë i sëmurë me kancer, ndërsa sipas mediave vendase autoritetet kanë njoftuar një hetim mbi sigurinë gjyqësore pas të shtënave.
Avokati i Sviridov ka deklaruar se klienti i tij priste të mos shpallej fajtor, ndërsa akuzon gjykatën se nuk ka marrë parasysh sëmundjen e tij të rëndë.
